Kipe nipin otamiropan Tcetcerikoc e mawotcitat ke matcihowaket. Kipe nipin nac e takwakinik pa nisawikopan aci minawa kitci piponik.

Anikotcac tca wir nama pameritamopan kitci mawotcitat ke matcihowaket otci ke piponik. Aci wir Tcetcerikoc ki ickwa mawotcitaw aci kaie tipipariniw otci ke piponik.

Kekw mekwatc e piponik, aci noteparikopan ke mitcit Anikotcac. Aci itwekopan: "Ni ka natawapamaw Tcetcerikoc kitci awihasimak memantcic mitcimiriw!" Ekoni ici icat nete Tcetcerikoc ka ici taciket.

Aci kokwetcikemopan: "Takon wa ke pe awihin memantcic mitcim?" "Kekwan ni ka ki itotiskein nipinok mekwatc ka mawotcitahan ke mitciian?" itew Tcetcerikoc.

Aci itwew Anikotcac: "Ni ki nikamon. Kipe niki... Kipe nipin ni ki nikamon!" Itakiniwipan Anikotcac: "Ekoni meka tca ici nikamo kiapatc eka kitci pakatein!" Ekoni.