Weckatc epwamoci awesisiwakopane niki anotc awesisak, matci oreritamowakopan tan wa icinakohitisowakopane.

Aci kokwetcimakaniwiw Anikotcac : "Tan kir wa icinakohitisoin? Masko, Atikw, Amiskw kekotc kotak awik?"

Anikotcac naskamo : "Ni ka maskowin, nin!" Aci itakaniwiw : "Kicpin maskowine, tecikotc ki ka miskakowin osam ko ki micta pa wectatewetan!"

Ekoni e ici matot nohwe Anikotcac e itwet : "Ni wi meka ni maskowin!" Aci itiko kiapatc mosoriw : "Tekaci nama ka ki maskowin!" Ekoni kirowe Anikotcac e micta matot.

Eko tca ni wetci icinakosit, ka wawiesinasot waska ockicikok,eka e ki otci ponitat e matot, tepirak e wi maskowit.