Exercices à partir de textes : Awacic ka wi tacikemat masko
L’enfant qui a vecut avec l’ours.
Étudiez ce qui suit
Tout jouer Awacic ka wi tacikemat masko
Awacic ka wi tacikemat masko
Mekwatc mowisonaniwon. Peikw iskwew ki acocimew onitcanic mictikok. Awacic takopiso tikinakanik. Nipaw. Iskwew nta mowiso, mekwatc e niparitci onitcanic. Kek ki iti nakatew onitcanic, eckam warowik iti aicaw.
Kek tca nanake, aci awacic kockosiw. Mato. Nama petowew iskwew. Peikon pa mowiso. Pecotcik pa aitacikew masko.
Kotc masko e petowat e matoritci awaciciriw, ekoni ka ici natawapamat. Aci iteritam masko : "Ekoni e ici nakatat neriw nosimiriw!! "Ekoni ka ici matceworat neriw awaciciriw.
Kek tca iskwew ki kiweckaw tante ka ki otci pe mowisot, e natawapamat onitcanic. Nama tariw tanta ka ki ici arat. Ki natawapamew. Nama ki otci miskowew. Micta kackaritam. Ekoni e ki onihat onitcanic. Ekoni ka ici kiwet e micta tca pa matot.
Minawatc nohwe masko, ki pa miworew neriw awaca. Pa mominew. Kewir awacic mominew. Kotc ka aitotak masko, ekoni kewir e aitotak nohwe awacic. Miro pimatisiw kaie nohwe awacic.
Kek ki iti piponiw. Masko ki nantowapatam watiriw ke taci piponicit. Ki miskam. Wewerita ki wericimew neriw awacariw e ki weripicimonihat eka kitci sikatciritci. Aci itew masko : "Miroskamike, kitatam kata pe matcaw. Kicpin tca kiskerimaikwe, petowaikwe e pe takocik, ki ka orowipitan!!"
Tapwe e iti miroskaminik, aci nohwe iriniw pe takocin. Ekoni nohwe awacic ka ici orowipitat. Ki nipahakaniwiw naha masko. Iriniw ki nisitowinawew onitcanic.
